اللہ کے بندے

خالق و مالک اور اس کے بندے❤

ماں اپنے بچے کی ہر مشکل و پریشانی کو بخوبی جانتی اور سمجھتی ہے۔۔مگر پھر بھی ممتا کی محبت میں اپنے بچے کو بار بار پوچھتی ہے میرے بچے کو کیا ہوا ہے، کیوں اداس ہے، بات کیوں نہیں کر رہے، بتاؤ نہ میں تمہاری ماں تمہیں سننا چاہتی ہو اور غور اور توجہ سے اس کی مشکل و پریشانی کو اس کے منہ سے سننا چاہتی ہے۔۔شوہر بیوی کی ہر مشکل و پریشانی کو جانتا اور سمجھتا ہے۔۔مگر بیوی سے محبت کرتے ہوئے اس کا ہاتھ تھامے اسے اپنائیت سے پوچھتا ہے کہ بتاؤ تمہیں کیا بات پریشان کر رہی ہے، میں تمہارے پاس ہوں تمہارا ہمسفر اور غم گسار تمہارے پاس ہے فکر مت کرو میں ہو نا۔۔سب ٹھیک ہو جائے گا، مجھے بتاؤ کیا بات ہے اور توجہ اور فکر مندی سے اس کی مشکل و پریشانی اسی کے منہ سے سننا چاہتا ہے۔۔۔

ٹھیک اسی طرح خالق و مالک! ماں اور شوہر اور ہر محبت کرنے والے رشتے کی محبت سے بڑھ کر اپنے بندے/ بندی سے محبت کرتا ہے اور خالق و مالک بھی اپنے ہر ایک بندے/بندی کی مشکل و پریشانی کو بخوبی جانتا سمجھتا ہے۔۔مگر وہ بھی بندے کی محبت میں بندے/ بندی کے منہ سے اس کی مشکل و پریشانی سننا چاہتا ہے۔۔❤

اس دنیا کی افرا تفری اور بھاگم بھاگ والی زندگی میں سے کچھ پل اور کچھ لمحے نکال کر اپنے خالق و مالک سے کھل کر باتیں کیا کریں، اس سے دعائیں، التجائیں، منتیں مرادیں مانگا کریں۔اس سے پیار محبت اور اپنائیت کی باتیں کیا کریں۔۔اس کے سامنے اپنے اندر چھپائے ہر بات اور چھپا غم، ہر چھپا دکھ درد اور ہر چھپے گناہ کی ندامت کا زکر کیا کریں۔۔اس سے معافی تلافی کریں۔۔توبہ و استغفار کریں۔۔اس سے اپنی دنیا کی زندگی، قبر اور آخرت کی زندگی کی خیر و بھلائی مانگا کریں۔۔الغرض جیسے ماں شیر خور بچے سے باتیں کرتی ہے، جیسے شوہر بیوی سے مخلتف الفاظوں کے چناؤ سے اس سے محبت اور اپنائیت کا اظہار و اقرار کرتا ہے آپ بھی ایسے ہی اللہ سے محبت اور اپنائیت سے ڈھیروں ڈھیر باتیں کیا کریں۔۔وہ خالق و مالک بہت خوب اور بہت بہتر سننے والا، بہتر حل دینے والا، بہتر راستے نکالنے والا ہے۔۔۔بہتر سلجھانے والا اور بہتر سے بہترین سے بخشنے نوازنے اور عطا فرمانے والا ہے۔۔۔جیسے بچہ سکول اور کھیل کود کی ساری باتیں شام کو ماں کے گوش گزار کرتا ہے ہو بہو آپ بھی دن بھر کی باتیں شام یا رات کے تہجد کے وقت اللہ ربّ العزت کے گوش گزار کر دیا کریں۔۔واللہ بہت اطمنان اور سکون ملتا ہے۔۔بیشک آزمائش شرط ہے۔

وقاص

#insaanorinsaaniyat

تم جیتو گے

اس ویڈیو میں 3 باتیں اہم ہیں اور سیکھنے سمجھنے سے تعلق رکھتی ہیں۔۔ پہلی کہ چھوٹی بلی نے شکار کو دبوچ تو لیا پر ناتجربہ کاری اور کم عمری کے سبب عمل کے رد عمل میں ہاتھ آئے شکار کو چھوڑ چھاڑ کر فوراً سے بھاگ گئی۔۔

دوسری کہ کوؤں کے ایک ساتھی پے جب حملہ ہوا تو باقی دو اپنے ساتھی کی مدد کو فوراً سے پہلے پہنچ گئے اور بلی کو مار بھگایا یہ بھائی چارے اور اتفاق کی بہترین مثال ہے یہ رشتے داری، خیش قبیلہ اور دوستی کی بات ہے۔۔

تیسری اور آخری بات کہ جب انسان کے پاس وسیع تجربہ ہو اور جب وہ پختگی کی عمر کو پہنچتا ہے تو وہ اپنے کام میں ماہر اور پختہ ہو چکا ہوتا ہے اور اپنے Goals & Targets کو مشکلات کے باوجود بھی Achive کر کے چھوڑتا ہے، ایسے ہی جیسے دوسرے بلے نے کوّے کو دبوچ کر خود پے حملہ ہونے کے بعد بھی شکار کرنے میں کامیاب رہا۔۔

تو دوستوں انسان کی زندگی میں بھی 3 ادوار آتے ہیں ،بچپن، جوانی اور بڑھاپا۔۔بچپن اور جوانی میں ناتجربہ کاری اور ناپختگی کی وجہ سے اگر تم کسی کام میں یا کسی انسان سے ہار جاتے ہو اس کام میں اور اس انسان سے مار اور مات کھا جاتے ہو تو اس کا مطلب ہرگز ہرگز یہ نہیں ہوتا تو تم ہمیشہ اور ہر بار ہی ہارو گے اور ہر بار ہی مار اور مات کھاتے چلے جاؤ گے۔۔۔یاد رکھو! اُس دوران تم تجربہ گاہ سے گزر رہے ہوتے ایسے ہی جیسے کچی اینٹ بھٹے میں جا کر پکتی اور پختہ ہوتی ہے۔۔۔اور پھر وہ ایک عمارت کو بنانے میں استعمال ہوتی ہے۔۔

کہنے کو بہت کچھ کہا جا سکتا ہے مگر اتنا کہوں گا کہ تم زندگی سے ہار ، مار اور مات کھا چکنے کے بعد بھی کبھی بھی ہمت و حوصلہ مت ہارنا۔۔سچ پوچھو تو یہی تمہاری اصل جیت اور طاقت ہے جو تمہیں ایک نہ ایک دن اپنے مقاصد اور منزل تک لے جائے گی۔۔یاد رکھو! تم کوئی عام تام مخلوق نہیں ہو۔۔تم اشرف المخلوقات ہو۔۔بھلا تمہیں کون ہرا سکتا ہے۔۔اور بھلا چند مشکلات، چند مصیبتیں اور چند مجبوریاں اور تنگدستیاں تمہیں کیسے مار اور مات دے سکتی ہیں۔۔

تم سب کچھ کر سکتے ہو۔۔ہاں تم جیت سکتے ہو۔۔مگر اس کے لیے تمہیں انتظار کرنا پڑے گا۔۔تجربہ اور پختگی کی عمر کو پہنچنے کا انتظار کرنا پڑے گا۔۔ہاں! تمہیں اپنے مرنے تک جینا ہو گا۔۔اور تم جی جاؤ گے۔۔

وقاص

#insaanorinsaaniyat
#motivation

جیے چلے جاؤ

پیدا ہونے کے بعد تم نے پہلی بار پے ہی قدم جما لیے تھے اور پہلی بار پے ہی چلنا اور بھاگنا دوڑنا شروع کر دیا تھا کیا؟ اور پھر جب چلنے اور بھانگنے دوڑنے کے قابل ہوئے تھے تو کیا کبھی گرے نہیں تھے، گرنے پے کبھی چوٹ نہیں لگی تھی کیا؟ گرنے اور چوٹ لگنے پے کیا تم نے چلنا اور بھاگنا دوڑنا اور جینا چھوڑ دیا تھا کیا؟ نہیں نا۔۔

تو پھر جوان ہو جانے پے زندگی کی مشکلات جب تمہیں بھگا بھگا اور دوڑا دوڑا کر تھکاتی، گراتی اور چوٹوں پے چوٹیں لگاتی ہے تو پھر تم تھک ہار کر، ہمت و حوصلہ، خدا کا بھروسہ اور ہاتھ پاؤں چھوڑ چھاڑ کر کیونکر بیٹھ جاتے ہو۔۔

" اٹھو! پھر سے بچپن کے جیسے چلنا، بھاگنا اور دوڑنا سیکھو۔۔اسوقت تک جب تک تمہاری زندگی اور سانسیں چل رہی ہیں"۔۔۔!

وقاص

#insaanorinsaaniyat