محبت اور زنا

گھر کے بڑے بزرگوں کا فرض ہے کہ وہ اپنے چھوٹوں کو اپنے قریب کرتے ہوئے بتائیں اور سمجھائیں " کہ بیٹا محبت ہو جانا یا کر بیٹھنا کوئی بڑا جرم نہیں ہے ، محبت ہو جانا یا کرنا ایک فطری بات ہے پر زنا کرنا ایک قبیح اور غیر فطری عمل ہے اور محبت کے نام پے جسمانی تعلقات بنانا ،زنا کرنا یہ ایک جرم عظیم ہے، جس سے آپ کو بچنا ہے، اپنے لیے، اپنی آنے والی زندگی کے لیے اور اپنے خاندان کے لیے اور اس خاندان کے لیے جو مستقبل میں آپ کا بنے گا"

مجھے یقین ہے کہ اس ہدایت اور واعظ کے بعد گھر کے چھوٹے کبھی بھی بھٹک اور بہک ہی نہیں سکتے، کوئی غلط قدم اٹھا ہی نہیں سکتے گر شیطان کے بہکاوے میں آ کے غلط قدم اٹھانے بھی لگیں گے تو بڑے بزرگوں کی بات یاد آنے پے اپنے قدموں کو وہیں اسی وقت روک لیں گے۔

ہمیں اپنے بچوں کو اپنے قریب کرنے کی ضرورت ہے اس سے پہلے کہ وہ ہم سے ہمیشہ کے لیے دور ہو جائیں۔