ویسے بچپن میں کون کون کوؤں کے حملوں کا شکار ہوا ہے۔۔۔؟
تب میں 6،7 سال کا ہونگا کہ بارش ہو رہی تھی اور کوّے کا بچہ گھر کی دیوار کے ساتھ گرا ہوا تھا میں ہمدردی کے ناتے اسے اٹھا کر گھر لانے لگا تو کوؤں کے جھنڈ نے کائیں کائیں کرتے مجھ پے حملہ کر دیا۔۔میں ان کے حملے سے بچنے کی خاطر ان کے بچے کو وہیں چھوڑتا سیدھا گھر کی طرف دوڑ لگا دی۔۔اس دن سے مجھے کوّے سے نفرت سی ہو گئی تھی۔۔کہ کیسی بے مروت قوم ہے کہ ایک تو ان کی نسل کو بچانے کی کوشش کرو اوپر سے یہ اسی بیہودے اپنے ہمدرد پے ہی حملہ کر دیتے ہیں۔۔
پھر دادی اماں کے گھر جامن کا درخت لگا تھا۔۔جو صحن کے بیچوں بیچ لگا ہوا تھا جو کافی اور خاصہ گھنا درخت تھا اور اسپے جامن بھی خاصے اچھے لگا کرتے تھے۔۔دادی اماں کا گھر گاؤں میں ہوا کرتا تھا اور میں کچھ دن دادی کے پاس جا کر رہا۔۔سخت گرمی میں جب بجلی چلی جاتی تو میں، میں جامن کے درخت تلے چارپائی بچھا کر لیٹ جاتا اور منحوس کوّے بھی جامن کے درخت پے آ بیٹھتے۔۔۔ان کے بیٹھنے سے تو مجھے کوئی خاص مسئلہ نہ تھا کہ چلو بیٹھ لینے دو بیہودوں کو۔۔میرا کیا جاتا ہے۔۔پر جب وہ کائیں کائیں کرتے رہتے اور جامن کو بھی کاٹتے۔۔تب مجھے بڑا غصہ آتا۔۔میں بھی جو شے ہاتھ لگتی گھما گھما کر مارتا کہ دفعہ ہو جاؤ یہاں سے۔۔تمہارے ساتھ اپنی پرانی دشمنی ہے۔۔اور تم اب پھر مجھے تنگ کرنے آ گئے۔۔
آہ پر افسوس۔۔۔آدم علیہ السلام کے بیٹوں میں سے جب ایک نے دوسرے کا قتل کر دیا تب یہی کوا ہی تھا جس نے انسان کو مردہ دفنانے کا طریقہ سیکھایا تھا۔۔۔
ویسے آپ کی کوّے سے دوستی ہے یا دشمنی؟🤔
#insaanorinsaniyat
