امتحان

زندگی کسی بند گلی میں لے جائے،سب کچھ کھو اور ختم ہو جائے، حلال اور جائز راستے بند ہو جائیں ایسے میں لوگ دو کام کرتے ہیں یا تو خود کشی کر گزرتے ہیں یا پھر برائی کی راہ کو ہنسی خوشی قبول کر لیا کرتے ہیں، حالانکہ وہی امتحان اور آزمائش کی گھڑی کا وقت ہوتا ہے۔

The msg

اچھے معاملات کے سبب جہاں مشکل وقت میں لوگوں کی دعائیں آپ کا پیچھا کرتی رہتی ہیں اور مشکلوں کو کھا جایا کرتی ہیں وہیں برے معاملات کے سبب خوشیوں میں بھی لوگوں کی بد دعائیں اور آہیں آپ کا پیچھا کرتی رہتی ہیں اور آپ کی خوشیوں کو کھا جایا کرتی ہیں۔

دعا و التجا

مالک! میں ہاتھ اٹھا کے نہیں بلکہ ہاتھ جوڑ کر تجھ سے درخواست کرتا ہوں مجھے دو جہانوں کی خیر عطا فرما دے اور دو جہانوں کے لیے انسانیت کے لیے خیر ہی خیر کا زریعہ و سبب بنا دے۔آمین

رازق

اے انسان! رزق بانٹنے والا بن جا کیونکہ چھیننے والے تو پہلے بہت ہیں کیونکہ "رازق" بانٹنے والے کو پسند کرتا اور زیادہ نوازتا ہے اور چھیننے والے کو ناپسند کرتا اور اس سے بھی رزق روک لیتا ہے۔

پھول نما انسان

پتا ہے ایک پھول اتنی جلدی کیوں مرجھا جاتا ہے کیونکہ وہ نرم ہوتا ہے اور اسی طرح نرم دل اور نرم مزاج کے انسان بھی جلد ہی مرجھا کے سوکھ سڑ جاتے ہیں اور ایک دن پھول کی پتیوں کی طرح بکھر کر اپنا وجود کھو دیا کرتے ہیں۔

انسان

اے انسان! نمازوں پے نمازیں پڑھے اور روزوں پے روزے رکھے جا رہا ہے، یہ بتا کیا تو انسان بھی بن رہا ہے۔۔۔!

الٹی دنیا

مجھے آج تک اس دنیا کی سمجھ نہیں آئی کہ یہاں ہر کام الٹا ہی کیوں ہوتا ہے کہ اچھے کے ساتھ برا اور برے کے ساتھ اچھا ہوتا ہے۔۔۔!

دعا

یا ربّ رحمٰن ایسی امیرت سے بچا کہ جس میں پڑ کے انسان فرعون بن جائے اور ایسی غربت و افلاس سے بھی بچا کہ جس کی وجہ سے انسان عادی مجرم و گنہگار بن جائے ایسی میانہ روی والی زندگی عطا فرما کہ جس میں انسان اپنی انسانیت و مسلمانیت پے قائم رہے۔آمین۔

فائدہ و مفاد

جو اپنے فائدے و مفاد کی خاطر تمہارے فائدے و مفاد کو ٹھیس پہنچائے اس کے ساتھ بھول کے بھی کبھی مت جڑنا اور جو تمہارے فائدے و مفاد کی خاطر اپنا فائدہ و مفاد چھوڑ دے تو ایسے انسان کو کبھی بھول کے بھی مت چھوڑنا۔